hop | coiscéim
hop (ainmfhocal): coiscéim
Sainmhíniú (ga): I gcomhthéacs graf, fad ceangail amháin idir dhá nód.
Sainmhíniú (en): In the context of graphs, the distance of a single edge between two nodes.
Tagairtí:
- coiscéim: De Bhaldraithe (1978), Dineen (1934), Ó Dónaill et al. (1991), Ó Dónaill (1977), Williams et al. (2023)
Nótaí Aistriúcháin:
- Cé go mbeadh ciall le húsáid an fhocail 'céim' anseo, úsáidtear an focal sin cheana chun cur síos a dhéanamh ar 'degree' nóid. Ní mheastar go mba cheart 'céim' a ath-úsáid anseo toisc go mbeadh sé an-deacair débhrí a sheachaint -- bíonn 'hop' agus 'céim' á n-úsáid go minic sna comhthéacsanna céanna. Mar shampla, uaireanta sa litríocht déantar fo-ghraf de ghraf eolais ina mbíonn ar a laghad céim éigin ag gach uile nód. Uaireanta eile, déantar fo-ghraf de ghraf eolais bunaithe ar gach uile nód atá laistigh de mhéid éigin coiscéimeanna ó nód amháin. Dá mbeadh an focal 'céim' aistrithe mar 'degree' agus mar 'hop', d'úsáidfí an téarma 'fo-ghraf n-chéime' don dá fho-graf sin -- cé gur fo-ghraif dhifriúla iad.
- Úsáidtear an téarma 'siúlóid' chun cur síos a dhéanamh ar 'walk' ar graf. Agus is minic a dhéantar fad na siúlóidí a chomhaireamh de réir coiscéimeanna; m.sh 'a 3-hop walk / siúlóid 3-choiscéim'. Thairis sin, luann Foclóir De Bhaldraithe an frása 'within a step of the house, faoi choiscéim den teach' mar úsáid féideartha leis an bhfocal 'coiscéim'. Tá an úsáid sin díreach cosúil le húsáid an fhocail 'coiscéim' chun trácht a dhéanamh ar fhad i ngraf -- an t-aon difríocht ná nach bhfuil fad i ngraf fisiceach. Cé is moite de sin, meastar go bhfuil 'coiscéim' léir mar théarma (go háirithe ar an analach sin a ghlacadh), agus glactar leis mar sin.
- Féach chomh maith ar an téarma 'degree / céim'.
- Féach chomh maith ar an téarma 'walk / siúlóid'.